Обвинителството на Босна и Херцеговина објави дека сите членови на Претседателството на БиХ ќе бидат испрашувани како дел од истрагата за аферата „Икона“. „Сите лица кои учествувале во организирањето на оваа посета, како и сите три члена на Претседателството на БиХ, и поради можни пропусти и настани што го нарушија угледот на Босна и Херцеговина “, објави Обвинителството на БиХ кое започна истрага откако Украина објави дека иконата од Луганск, која претседателот на Претседателството на Босна и Херцеговина му ја подари на рускиот министер за надворешни работи Сергеј Лавров за време на неговата посета на Босна и Херцеговина, е државна сопственост на Украина.
Русија ќе ја врати иконата подарена на Лавров
Обвинителството изјави дека во рамките на овој случај се вршат дејствија и активности, како и барања и собирање документација преку меѓународна правна помош. Откако избувна скандалот поврзан со иконата, шефот на руската дипломатијата Сергеј Лавров ја врати иконата во Амбасадата на Босна и Херцеговина во Москва и побара Интерпол да биде вклучен во целиот случај.