Избраниот американски претседател Џо Бајден изрази голема загриженост за упадите во компјутерските системи во САД за кои официјалните лица се сомневаат дека ги извршиле руски хакери, наведувајќи дека сајбер безбедноста ќе биде врвен приоритет за неговата администрација. Претходно, Агенцијата за сајбер безбедност предупреди на „сериозен“ ризик за владините и приватните мрежи. Оваа агенција соопшти дека е тешко да се открие упадот и оти нема да биде лесно да се отстрани софтверот што бил вметнат во компјутерските системи.
Странски сајбер напад врз американските владини мрежи
Не е соопштено кои агенции или инфраструктура биле нападнати или какви информации биле земени за време на хакерот, што, како што претходно беше кажано, започна во март. Претседателот Доналд Трамп, чија администрација беше критикувана за отпуштање на советници за сајбер безбедност од Белата куќа и кој го потцени мешањето на Русија во претседателските избори во 2016 година, не ги коментираше хакерските напади. Агенцијата за сајбер безбедност објави дека сторителите го користеле софтверот на технолошката компанија Солар Виндс, со седиште во Тексас, за да се инфилтрираат во компјутерските мрежи.