Соочен со повеќекратни правни удари во неговиот невиден обид за поништување на изборите, претседателот Доналд Трамп доби поддршка од мнозинството републиканци во Претставничкиот дом на САД, кои ја поддржаа тужбата поднесена од Тексас со која се бара од Врховниот суд да ја отфрли победата на избраниот претседател Џо Бајден победа во четири држави. Како одговор на тужбата, четирите сојузни држави што ги освои избраниот демократски претседател - Пенсилванија, Џорџија, Мичиген и Висконсин - го повикаа Врховниот суд да го отфрли правниот предизвик поднесен од Тексас и поддржан од Трамп, велејќи дека случајот нема фактичка или правна основа.
Врховниот суд го отфрли барањето за поништување на победата на Бајден во Пенсилванија
„Она што Тексас го прави во оваа постапка е да побара од овој суд да преиспита маса на неосновани тврдења за проблеми со изборите што веќе беа разгледани и отфрлени од овој суд и другите судови“, изјави Џош Шапиро, демократски јавен обвинител на Пенсилванија. Судската постапка во Тексас, наведува Шапиро, додава „какафонија на лажни тврдења“ за изборите. Повеќе од 20 други јавни правобранители од државите исто така поднесоа кратко барање судот да ја отфрли тужбата, која во суштина има за цел обесправување на десетици милиони гласачи. Тужбата, поднесена од државниот обвинител на Тексас, Кен Пакстон, на која и се придружија и републикански јавни обвинители од 17 сојузни држави во САД, има мали шанси да ги поништи изборите на 3 ноември.