На 28 декември Советот за реформи во правосудството ќе ја усвои методологијата по која ќе се изврши филтрацијата на судството и обвинителството, преку која Судскиот совет и Советот на јавни обивнители, како одговорни тела ќе направат прочистување во своите редови, изјави министерот за правда Бојан Маричиќ, во денешното обраќање на „Следна Станица: Европа“ – Конференција на ЦИВИЛ за човекови права, правда и антикорупција, по повод одбележувањето на Меѓународниот ден на човековки права.
„Ако сакаме да успееме и да станеме модерна европска држава правда мора да има, еднаква за сите, бескомпромисна и со еднаков аршин и само така може да се зголеми довербата на граѓаните во судството и обвинителството преку разрешница на крупни судски случаи со големите риби. Рецидивите од минатото, остатоците од сваровски судството, попречувачите на правдата, не можат да бидат дел од правосудниот систем и да носат пресуди во име на граѓаните и не можат да ги штитат и унапредуваат нивните права. Ќе се одвојат чесните од нечесните судии“, рече министерот Маричиќ.
Во периодот 2019 - 2020 година се разрешени осум судии, а согласно информациите од Судскиот совет има постапки за уште 83 судии.