Нови мерки кои вклучуваат карантин во Европа може да се избегнат, а еден од можните начини да се постигне тоа е речиси сите граѓани да носат маски, изјави денеска регионалниот директор на Светската здравствена организација (СЗО) за Европа, Ханс Клуге. Тој на денешната прес-конференцијата рече дека „затворањето“ е крајната мерка.
„Ако 95 отсто од граѓаните носат маски, тогаш 'затворање' не би било потребно“, потенцираше Клуге.
Тој додаде дека основните училишта треба да останат отворени и додаде дека децата и адолесцентите не се двигатели на ширењето на коронавирусот и дека затворањето на училиштата не е ефикасно.
СЗО: Ако 95 отсто од луѓето носат маски нема да ни треба карантин
Регионалниот директор на Светската здравствена организација за Европа, Ханс Клуге