Економските аналитичари очекуваат умерена, ниска и стабилна инфлација, а во однос на економскиот раст очекуваат постепено надминување на кризата и закрепнување на економијата во следните две години, покажува најновата анкета на Народната банка на Република Северна Македонија (НБРСМ) за инфлациските очекувања и очекувањата за движењето на реалниот БДП.
Анкетата, како што информира Народна банка, била спроведена во септември оваа година, со анкетирање економски аналитичари од земјата.
- Македонската економија ковид-кризата ја минува согласно очекувањата на Народна банка
- Граѓаните должни милијарда и пол евра за потрошувачки кредити
Резултатите од Анкетата не упатуваат на позначителни промени во очекувањата на анкетираните економски аналитичари за просечната стапка на инфлација. Просечните очекувања за 2020, 2021 и 2022 година се речиси непроменети во однос на претходната анкета спроведена во јуни и упатуваат на просечна стапка од 0,6% во 2020 година, додека за 2021 укажуваат на просечна инфлација од 1,3% , а за 2022 година од 1,6%, се наведува во резултатите од анкетата.