СВР Скопје поднесе кривична пријава за бесправната градба кај деловниот трговски центар „Мавровка“ во Скопје, соопшти денеска Министерството за внатрешни работи (МВР).
Објектот кај ДТЦ „Мавровка“, веќе неколку месеци е предмет на интерес на општинските, градските и државните власти, а особено на јавноста, која обвинуваше дека „некој замижува пред законот“. Откако пред еден месец беше утврдено дека е бесправно изграден, ниедна фирма не се јави на тендерот за негово уривање, а надлежните служби не може да го утврдат идентитетот на инвеститорот на градбата.
„Единица за економски и компјутерски криминал до надлежното јавно обвинителство поднесе кривична пријава против М.А. (34) заради постоење на основано сомневање дека пријавениот е сторител на кривично дело „бесправно градење", а се однесува на бесправно изграден на бул.Гоце Делчев на платото пред ДТЦ „Мавровка“, соопшти МВР, од каде додаваат дека по документирањето на случајот, била поднесена соодветна пријава.
- МВР со акт до Обвинителството за објектот кај Мавровка
- Шилегов: Чаир да најде начин да се урне дивоградбата кај Мавровка
Денеска премиерот Зоран Заев изјави дека наскоро ќе биде отстранета дивоградбата пред „Мавровка“ и дека за тоа Владата ќе донесе одлука на денешната седница. И веднаш по формирањето на новата Влада, Заев рече дека решевањето на овој случај ќе биде една од првите задачи.