Водачите на Суданскиот револуционерен фронт (СРФ), организација која ги поддржува бунтовничките групи во западниот регион Дарфур и јужните држави Јужен Курдуфан и Синиот Нил, и суданските политички лидери денеска се согласија за историски мировен договор – важен прв чекор кон прекин на 17-годишниот конфликт во Судан, јави ДПА.
Договорот е постигнат во главниот град на соседен Јужен Судан, но се уште не е потпишан, за да се остави вратата отворена за две клучни бунтовнички групи да се приклучат на „конечниот” договор, соопштија властите.
Конфликтот во Јужен Кордофан и Синиот Нил избувна во 2011 година, по нерешените борби во граѓанската војна во Судан (1983-2005). Според Обединетите нации, во Дарфур, во 2003 година, околу 300.000 луѓе биле убиени од бунтовниците.
Мировниот договор, што е оценет како историски, предвидува и распуштање на бунтовничките сили и интеграција на нивните борци во националната армија. Договорот е значаен чекор на преодната влада во надминувањето на многу длабоките граѓански конфликти.