Европската комисија го заклучи текстот на преговарачката рамка и го предаде на Советот на ЕУ. Ова е само нацрт верзија и моето очекување е до октомври да биде прифатен финалниот текст, изјави на денешната прес-конференција вицепремиерот Бујар Османи.
И ЕК соопшти дека преговарачката рамка на Северна Македонија синоќа била дистрибуирана до земјите членки на Европската Унија.
Се работи за нацрт верзија, посочи Османи, што е основа врз која земјите членки ќе ги изнесат своите национални ставови и потоа рамката ќе се носи со консензус. Според вицепремиерот, потоа се очекува да биде закажана и заедничка меѓувладина седница, истакна Османи.
Османи, појасни дека со новите механизми на преговарачкиот процес, брзината и напредокот ќе зависи од самите нас, но и дека ЕК ќе има механизама да го препознае и намали пристапот до ЕУ фондовите доколку има застој.