За државната помош од 14.500 денари, според податоците од УЈП, до сега аплицирале 5.350 компании, информираше денеска потпретседателот на владеачкиот СДСМ, Коста Петров.
„Од нив 4.197 веќе се трансферирани во системот на УЈП. Апелирам до сите компании кои се уште немаат аплицирано за оваа финансиска поддршка, да го направат тоа што побргу преку системот за е-даноци на УЈП. Апликациите за месец април, треба да се достават најдоцна до 7ми мај“, рече Петров.
- Короната ќе отера во сиромаштија илјадници луѓе
- Ангеловска: Се очекува намалување на реалниот БДП за -3,4 отсто
По бескаматните кредити од линиите „Ковид 1″ и „Ковид 2″, во вкупен износ од 13,7 милиони евра, Петров најави дека наскоро, преку комерцијалните банки, ќе биде пласирана и линија на евтини кредити во износ од 51 милион евра.