Бројот на заразени со коронавирусот во Соединетите држави ја надмина границата од милион, што претставува една третина од регистрираните инфекции во светот, соопшти синоќа универзитетот Џон Хопкинс. Во таа земја од новиот вирус починале 57.000 лица, а главниот фокус на епидемијата е државата Њујорк, каде што се пријавени една третина од заразените во САД. По САД, најпогодени се Шпанија со над 210.000 заразени, Италија и Франција.
Продолжуваат обвинувањата меѓу САД и Кина за пандемијата
Кина, каде што започна пандемијата во декември 2019 година, има заразено околу 83.000 луѓе, но многумина веруваат дека бројката е многу поголема. Вашингтон отворено го обвини Пекинг дека кажува лаги за балансот на заразените и починатите.