Американскиот претседател Доналд Трамп рече дека Соединетите американски држави се придружуваат на иницијативата за засадување на трилион дрва објавена на Светскиот економски конгрес во Давос.Трамп ова го објави денеска, на отворањето на собирот што се одржуваа во швајцарското одморалиште.
„Јас многу верувам во животната средина. Сакам најчиста вода и најчист воздух“, рече Трамп.
Според планот еден трилион дрва треба да бидат посадени оваа декада со финансиска поддршка од бизнисмените, владите и филантропите. На собирот во Давос зборуваше и активистката за животна средина Грета Тунберг.