Во пожар во куќа во која биле сместени работници-мигранти во сибирскиот регион Томск загинаа 11 луѓе, а двајца се повредени. Пожарот се случил рано утрово во куќа која локалните власти соопштија дека била изнајмена од кинеска компанија, а во неа биле сместени државјани на Кина, Таџикистан и Узбекистан. Десет од загинатите се Узбекистанци, а единаесеттата жртва според локалните медиуми е руски државјанин, а според таџикистанските власти можно е да е нивни државјанин. За причините за несреќата е отворена и истрага.
