Иранските безбедносни сили убиле повеќе од 1000 луѓе на протестите против покачувањето на цените на бензинот, соопшти висок претставник на американскиот Стејт Департмент.
„Бидејќи вистината се оддалечува од Иран, се чини дека режимот убил над илјада ирански граѓани откако започнаа протестите“, изјави Брајан Хук, специјалниот претставник на Вашингтон за Иран.
Тој не обезбеди докази за неговите тврдења, туку истакна дека имало видео од еден од инцидентите на кое се гледа како биле убиени 100 лица. Протестите во Иран започнаа на 15 ноември откако властите најавија дека цените за гориво ќе се зголемат за 200 отсто. Амнести интернешнел соопшти дека се верува оти 209 лица загинале за време на насилството на протестите.