Српскиот претседател Александар Вучиќ поради кардиоваскуларни проблеми е примен на Воено-медицинската академија (ВМА) во Белград, соопшти Генералниот секретаријат на претседателот.
Тој во болницата бил примен вчера попладне.
Според потврдата на неговата советничка, Сузана Васиљевиќ, неговата здравствена состојба е стабилна и поради мерки на претпазливост тој се уште се наоѓа на ВМА.
Засега не се знае кога ќе биде пуштен дома и тоа ќе зависи од проценка на лекарите, изјавија од неговиот Кабинет.