ОН- 85 цивили убиени за време на изборната кампања во Авганистан

Стотини луѓе се убиени или повредени во насилствата кои се поврзуваат со претседателската изборна кампања во Авганистан, соопшти денеска мисијата на Обединетите нации во Авганистан. Според мисијата 85 луѓе се убиени, а 373 повредени во период од 8 јуни до 30 септември. Од жртвите повеќе од една третина се деца.Според авганистанските безбедносни служби и покрај големиот број жртви изборниот ден бил успешен бидејќи талибанските милитанти не успеале да извршат поголеми напади.