Либерализацијата на визниот режим за граѓаните на Косово беше поддржана од Одборот на Европскиот парламент за граѓански слободи. Иако и претходно во европарламентот се гласаше за либерализацијата на визниот режим со Косово, според процедурата, по европските парламентарни избори одржани во мај годинава, на новиот Европски совет му е потребен и нов мандат за преговарање за либерализацијата. На Западен Балкан само на граѓаните на Косово им е потребна виза за патување во земјите од Шенген зоната.