“Рекет” е несреќен случај, во кој Боки 13-ка се обидел да ја искористи моќта на медиумот, да уценува и изнудува пари, изјави денеска бизнисменот Зоран Азманов, по давањето дополнителен исказ во Јавното обвинителство.
Додаде дека во ЈО бил да го доплни исказот и пред новинарите изјави дека Бојан Јовановски - Боки 13, еден од осомничените во случајот „Рекет“ му се „заканувал со објавување документи од СЈО и од Финансиската полиција“. Тие закани, како што изјави Азманов, биле во телефонски разговор со Јовановски, во период кога се најавуваше емисијата Македонски инсајдер на 1ТВ.