Претседателот на САД Доналд Трамп изјави дека би било соодветно Русија повторно да биде примена во Групата седум индустриски најразвиени земји. Тој в сабота ќе отпатува за Франција на годишниот состанок на Г7, која се нарекуваше Г8 додека Русија беше членка. Лидерите на САД, Британија, Франција, Германија, Италија, Канада и Јапонија ја исфрлија Русија од групата во март 2014 година откако Москва го анектира полуостровот Крим од Украина.
