Еврокомесарот за проширување Јоханес Хан кој денеска престојуваше во Скопје на својот профил на социјалната мрежа Твитер напиша дека на средбата со претседателот на ВМРО-ДПМНЕ Христијан Мицкоски побарал од него да се вклучи активно и конструктивно во носењето на новиот нацрт закон за Специјалното јавно обвинителство. Хан наведува и дека “преостанатите разлики не изгледаат непремостливи”.
“Сега е потребно одговорно однесување. Се работи за иднината на земјата и граѓаните”, напиша Хан.
I urged #VMRO leader @MickoskiHM to engage actively and constructively in the adoption of the draft #SPO law. The remaining differences do not seem insurmountable. Responsible acting is needed now: this is about the country’s and its citizens’ future! pic.twitter.com/QEcD0tGoPW
— Johannes Hahn (@JHahnEU) July 25, 2019
Претходно од ВМРО-ДПМНЕ соопштија дека теми за разговор на средбата со еврокомесарот биле актуелната политичка состојба, закочените европски интеграции и политичкиот дијалог во земјава.
Мицкоски, како што информираа од опозициската партија, ги пренел и забелешките на предлог законот за обвинителство посочувајќи дека ниту еден криминал не смее да остане имун на правдата и дека на тој план не се потребни компромиси.