Владата во Софија соопшти дека хакери упаднале во системите на даночната управа и украле лични и финансиски податоци на голем број Бугари, објавија бугарските медиуми, од кои дел велат дека се работи за украдени податоци на неколку стотини илјади, па дури и милион бугарски граѓани.
Како што пренесе агенцијата Фена, нападот на бугарската даночна управа (НРА) се случил кон крајот на јуни, а за него се дознало кога лице кое тврдело дека е руски хакер синоќа ги контактирало локалните медиуми нудејќи пристап до украдените податоци.
„Споредивме 30 отсто од податоците што се јавно објавени и потврдуваме дека се работи за податоци кои ги имала НРА“, изјавил портпаролот на НРА, Росен Бачваров.