Премиерот Зоран Заев за време на денешната расправа во Собранието за владината реконструкција порача дека министерот за финансии Драган Тевдовски не е сменет оти не сакал да потпише заем за изградба на новиот Клинички центар откако беше прашан од пратеникот на ВМРО-ДПМНЕ, Илија Димовски за причините за неговото разрешување.
Заев ги отфрли таквите информации како неточни и истакна дека Тевдовски секогаш бил „за“ нов Клинички центар и оти за тоа јавно говорел.