Министерот за образование и наука Арбер Адеми денеска апелираше до родителите да ги вакцинираат децата по вчерашната одлука на Владата дека во прво одделение ќе бидат запишани само тие со потврда дека ги примиле задолжителните вакцини.
Адеми најави дека ќе се следи состојбата и ако има потреба покрај теренска вакцинација ќе се отворат и пунктови за вакцинирање во училиштата во интерес на јавното здравје.
„Се соочуваме со епидемија и во вакви околности навистина треба сериозен пристап од страна на сите институции. Апелирам до сите родители да ги вакцинираат нивните деца и со ваквиот пристап да помогнат и да придонесат за јавното здравје“, рече Адеми.