По информациите во дел од медиумите во врска со месечниот надомест кој државата ќе го плаѓа за кирија за канцеларијата на поранешниот претседател Ѓорѓе Иванов, попладнево соопштение до јавноста испратија од компанијата Турмак АД – Подружница Скопје.
„Би сакале да ја информираме јавноста дека помеѓу компанијата Турмак АД – Подружница Скопје и Службата за општи и заеднички работи на Република Северна Македонија е склучен договор за закуп и користење на опремен службен простор за потребите на Кабинетот на поранешниот претседател на државата, Ѓорѓе Иванов. Договорот е склучен во времетраење од една година и е во сопственост на компанијата Турмак. Според договорот, месечниот закуп за 274м2 деловен простор изнесува 1950 евра“, информираат со соопштение.