Генералниот секретар на ОН, Антонио Гутереш, денеска изрази надеж дека по оставката на алжирскиот претседател Абделазиз Бутефлик ќе се случи "мирна и демократска транзиција на власта".
"Генералниот секретар го поздравува мирот и почитувањето што го покажа алжирскиот народ во изразувањето на желбата за промена", соопшти прес-службата на Гутереш.
Бутефлик вчера поднесе оставка под притисок на уличните протести. Претседателот на алжирскиот Национален совет Абделкадер Бесал ќе биде привремен претседател до распишување на нови избори.