Министерката за одбрана на Германија, Урсула фон дер Лајен изјави дека компромисите никогаш не се лесни, но го отвораат патот кон подобра иднина, а Грција и Северна Македонија дале светол пример за тоа што значи Европа.
„Длабоко ги почитувам храброста и решителноста на двете земји да одат напред кон Договорот од Преспа. Компромисите никогаш не се лесни, но го отвораат патот кон подобра иднина. Грција има долга и горда историја и ја роди европската идеја на демократијата. Грција и Северна Македонија дадоа светол пример за тоа што значи Европа. Сите можеме да научиме од тоа, и тоа сите нас во Европа ќе нѐ направи посилни“, изјави таа во интервју за грчкиот весник „Та неа“.
Министерката во Атина ќе има средба со нејзиниот грчки колега, Евангелос Апостолакис.