Врховниот суд денеска ќе одржи седница зад затворени врати на која ќе ја разгледа иницијативата, дали СJO може да отвора истраги и да поднесува обвиненија по истекот на 18 месеци од денот на преземањето на предметите во своја надлежност.
Иницијативата е поднесена од двајца адвокати Боро Тасевски и Еленко Миланов, кои се бранители на обвинети во повеќе случаи на СЈО.
Во соопштението од судот е наведено дека Врховниот суд, меѓу другото, има обврска на Општа седница, да разгледува иницијативи и на адвокати за утврдување начелни ставови и начелни правни мислења.