Американскиот претседател Доналд Трамп негираше дека крие детали за разговорите со рускиот претседател Владимир Путин од официјалните претставници на администрацијатач Трамп ова го кажа во телефонски разговор аљ "Фокс њус", откако "Вашингтон пост" објави дека претседателот на САД " крие детали" од неговите разговори со Путин. Цитирајќи ги актуелните и поранешни официјални претставници на САД, весникот вели дека во најмалку една прилика, во Хамбург во 2017 година, Трамп ги одзел белешките на својот преведувач по разговорите и му наложил на лицето да не разговара за она што се случило со други официјални лица. Односите на Трамп со Русија пред неговиот избор во 2016 година се во фокусот на тековната кривична истрага предводена од специјалниот советник Роберт Милер. Иследниците се обидуваат да утврдат дали има било какви врски меѓу кампањата на Трамп и руските официјални лица. Американскиот претседател ја опиша истрагата како "лов на вештерки".
