Претставничкиот дом на американскиот Конгрес одобри буџет во кој е вклучено финансирање на ѕидот на границата со Мексико што го бара претседателот Доналд Трамп. Но, овој буџет по се изгледа нема да помине во Сенатот со што се зголемува опасноста за затворање на владата. Демократите кои се против ѕидот на границата со Мексико најавија дека при гласањето во Сенатот ќе отфрлат секаков буџет во кој има негово финансирање. Демократите иако се малцинство во Сенатот сепак имаат доволно гласови да не го изгласаат буџетот усвоен од Претставничкиот дом. Трамп веќе најави дека ќе потпише буџет само ако содржи финансирање на ѕидот.
