"Дали ќе се побараат одговори од Унгарија за дадениот азил на Груевски, а доколку ставот на Будимпешта покренува прашања, кои чекори ќе се преземат за земја членка на унијата да не го попречува функционирањето на правдата во земја кандидат", се прашањата кои европратеникот од СИРИЗА, Стелиос Кулоглу ги достави до високата претставничка на ЕУ за надворешна политика, Федерика Могерини, во врска со одобрениот азил од Унгарија за поранешниот македонски премиер, Никола Груевски.
Европратеникот од СИРИЗА, потенцира дека владеењето на правото е фундаментална вредност и за земјите членки и за земјите кандидати за членство и додава дека „премиерот Виктор Орбан и покрај одлуките на ЕУ, не прима баратели на азил“, јави МИА од Атина.
: Ова, очигледно не важеше во случајот на господинот Груевски, кој е осуден за сериозен криминал. Владеењето на правото останува фундаментална вредност како и за државите членки, така и за кандидатите за членство. Унгарија ја поддржува интеграцијата на ПЈРМ во ЕУ, но како што се чини, не смета дека земјата е безбедна, давајќи му азил на Груевски", пишува Кулоглу во дописот со прашањата до Могерини.