Премиерот Зоран Заев денеска изјави дека се надева оти за помалку од 15 дена ќе бидат готови нацрт амандамните и ќе бидат изработени заедно со опозицијата.
"Парламентот ни даде не повеќе од 15 дена на Владата да ги изготви амандманите. Но доколку ја следевте јавната дебата, јас им ветив на пратениците дека ќе имаме инклузивен процескаде што ние од владата ќе дојдеме во Парламентот со отприлика скицираните очекувања од самите амандмани согласно договорот од Преспа и ќе седнеме заедно власта иопозицијата да ги направиме нацрт-амандамните", изјави премиерот Заев.
Заев верува дека во рамки на тие 15 дена ќе можат да се усогласат и очекува да расте мнозинството во наредните фази на поддршка. На новинарско прашање дали се прифатливи барањата од пратениците од опозцијата, Заев нагласи дека имал прилика да види четири точки и истите ги прочитал многу внимателно. Прашан дали ќе бидат инкорпорирани овие барања Заев потенцира дека заедно ќе се разгледуваат со стручните луѓе и изрази уверување дека ќе бидат инкорпорирани затоа што, како што рече, нема некои пречки и верува дека ќе можат да бидат добра алатка за конечната верзија на уставните промени.