Министрите за надворешни работи на Европската унија ќе имаат неформална средба во Виена утре и задутре на која ќе ја разгледуваат состојбата на Балканот, и пред сè можноста за проширување на ЕУ кон југоистокот. Австрија, која претседава со Европскиот совет, најави дека на средбата ќе учествуваат и министрите за надворешни работи на Македонија, Албанија, Србија, Турција и Црна Гора.
„Расправата за југоисточна Европа ќе биде во согласност со развојот на настаните во претстојните месеци, со фокус на проширувањето“, соопшти австриското претседателство.