Самоубиец во автомобил бомба целел контролен пункт во западен Ирак убивајќи најмалку 11 луѓе, а повредени се 16, соопштија официјални претставници.
Напаѓачот автомобилот со експлозив го насочил кон контролниот пункт во градот Каим во ирачката провинција Анбар, изјави денеска градоначалникот Ахмед ал-Мехлави.
Во пунктот имаше припадници на Армијата и на шиитските милиции поддржани од Владата. Меѓу убиените и повредените има припадници на безбедносниот персонал и цивили, а некои од повредените се во критична состојба.
Ниту една група засега не ја презема одговорноста за нападот.
Каим се наоѓа на околу 340 километри од Багдад и на околу 20 километри од сириската граница и е еден од последните градови кои чија кои беа ослободени од екстремистичката група ИД во ноември минатата година.
Ирак во декември прогласи победа против ИД, но оттогаш членови на групата извршуваат убиства и киднапирања.