По долгите преговори за ревизија на Северноамериканскиот договор за слободна трговија - НАФТА, американскиот претседател Доналд Трамп соопшти дека САД и Мексико постигнале многу добар трговски договор, јави германската новинска агенција ДПА.
„Ова е голем ден за трговијата. Ова е еден навистина многу добар договор за нашите две земји“, рече Трамп и додаде оти се надева дека Канада наскоро ќе влезе во преговори за нов трговски договор.
Трамп изјави и дека „сака новиот документ да не се нарекува Северноамерикански трговски договор како досегашниот“, јави ДПА.