Судењето за предметот на СЈО „Титаник“ денеска продолжи по паузата од половина час. Димитар Дангов – адвокатот на обвинетиот Сашо Срцев дојде во судницата, но судијата Огнен Ставрев рече дека судот донел решение Дангов да биде казнет според членот 361 и членот 88 од ЗКП заради навреда на Судот. Судијата не кажа колкава е висината на казната, но членот 88 предвидува казна од 200 до 1.200 евра за навреда на Судот.
Обвинетиот Срцев го повлече полномошното кое му го даде претходно на адвокатот Љупчо Шврговски да биде негов бранител, бидејќи Дангов дојде на рочиштето.Прва сведочи поранешната членка на ДИК, Виолета Дума. Од петте сведоци на СЈО за овој случај на денешното рочиште не е присутна Павлинка Динева.
Во предметот на СЈО „Титаник 2“, за изборни нерегуларности од локалните избори во 2013 година, обвинети се лидерот на ДПА Мендух Тачи, поранешниот директор на УБК Сашо Мијалков, како и поранешните членови на ДИК Бедредин Ибраими, Анета Стефановска, Влатко Сајковски и Сашо Срцев.