Исламската држава убила повеќе од сто луѓе во низа напади врз области под владина контрола во јужна Сирија, вклучително и во неколкуте самоубиствени бомбашки напади во градот Свеида, на околу 100 километри јужно од главниот град, Дамаск, информираат невладини организации и локалните власти.
Локалните здравствени власти велат дека загинале 96 луѓе, а 176 се ранети. Сириската опсерваторија за човекови права, пак, објави дека загинале 156 луѓе, меѓу нив и припадници на сириските безбедносни сили.Исламската држава соопшти дека убила над 100 луѓе.
Владините сили неодамна ја презедоа контролата врз областа која досега беше под контрола на бунтовниците и сега се обидуваат да ја исчистат од милитантите на Исламската држава.