Иранскиот врховен лидер Ајатолахот Али Хаменеи ги повика државните органи да ја поддржат владата на претседателот Хасан Рохани во борбата против економските санкции на САД, велејќи дека американскиот „заговор“ може да биде поразен.
„Силно верувам дека доколку владата ги преземе неопходните мерки, ќе може да ги надмине проблемите и да го порази заговорот на САД“, рече Хаменеи на средба со Рохани и неговите министри од кабинетот.
Тој истакна дека освен неколку случаи, како пто е САД, односите на земјата со Истокот и Западот треба да се унапредат.
Итниот состанок беше свикан од Хаменеи поради влошената економска ситуација во земјата.