Најмалку пет луѓе се убиени во самоубиствен бомбашки напад пред министерство во авганистанскиот главен град Кабул, соопштија авганистански претставници.
Експлозијата се случила денеска пред Министерствотот за рурална рехабилитација и развој, изјави за АФП портпаролот на полицијата Хашмат Станиџаи.
Портпаролот на Министерството за рурална рехабилитација и развој го потврди нападот велејќи дека првичните информации укажуваат дека се загинати најмалку пет луѓе.
„Очигледно е дека бомбашот самоубиец го активирал експлозивниот елек на портата на нашето министерство. Целта била нашиот персонал кој заминуваше кон своите домови“, вели тој.