Порошенко: гасоводот Северен тек 2 е опасност за Европа

Претседателот на Украина Петро Порошенко изјави дека се согласува со американскиот претседател Доналд Трамп дека гасоводот Северен тек 2 претставува опасност за Европа. Порошенко оцени дека овој гасовод е „апсолутно политички проект“ и оти е опасност за енергетската безбедност и конкурентноста на Европа. Северен тек 2 ќе го удвои количеството гас кој од Русија директно ќе стигнува во Германија, заобиколувајќи ги транзитните земји меѓу кои и Украина. Трамп на дводневниот самит на НАТО во Брисел изјави дека Германија била под „целосна контрола“ и „заробеник“ на Русија поради гасоводот Северен тек 2.