Петмина убиени во пукање во редакција во САД

Вооружено лице пукало во редакција на еден весник во американската држава Мериленд при што убил пет луѓе, а ранил неколкумина други. Се верува дека ова е најтрагичен напад врз новинари во историјата на САД. Белата куќа и политичките лидери го осудија пукањето во редакцијата на весникот „Кепитал Газет“ во главниот град на Мериленд Анаполис. Полицијата објави дека напаѓачот, кој бил уапсен, бил белец и оти редакцијата претходно примила закана на социјалните медиуми дека ќе биде нападната.