Наставниците по италијански јазик кои од септември ќе го предаваат како наставен предмет во државните училишта во Македонија денеска на Филолошкиот факултет „Блаже Конески“ имаат обука во рамки на првата национална дебата „Предизвиците во наставата по италијански јазик“.
Владата на седница на 6 март годинава донесе одлука италијанскиот јазик да се изучува изборно во основните и средните училишта како втор странски јазик, на ниво со другите изборни јазици - француски и германски.
Наставниците кои дипломирале италијански јазаик, а некои од нив го предаваат во приватните училишта за странски јазици, од учебната 2018/2019 година ќе имаат можност да работат со ученици во редовната настава кои ќе се заинтересираат за изучување на јазикот.