Силна бура со грмотевици, проследена со град, го погоди попладнево Солун, при што градската противпожарна спасувачка служба примила повеќе од 300 повици за помош. Спасена е една жена, која била однесена од порој, а продолжува и спасувањето на лица, кои поради високото ниво на водата останале заглавени во своите автомобили на еден мост. Многу продавници и куќи, како и Градското собрание, се поплавени по обилниот дожд, кој улиците ги претвори во реки. Во некои делови на градот нема електрична енергија, а поради гром, кој удри на меѓународниот аеродром во Солун, од претпазливост накратко беше прекинато дополнувањето на авионите со гориво.
