Германската канцеларка Ангела Меркел изјави дека иранските напади врз израелски цели на Голанската Висорамнина доведуваат до прашањето на војна или мир на Блискиот Исток. Соочени сме со екстремно сложена состојба. Ескалацијата во последните часови е загрижувачка и јас можам само да ги повикам сите вмешани страни на воздржаност, рече Меркел.
Повикот на Меркел доаѓа откако Израел објави дека иранските сили стационирани во Сирија нападнале израелски бази на Голанската Висорамнина. Како одговор, Израел нападна цели во Сирија.