Премиерот Зоран Заев изјави денеска дека Владата е подготвена за меѓународна експертиза за случајот „Диво Насеље“. Според него, согласно законите процесот мора да заврши до фаза на правосилност на пресудата за потоа да се внесат меѓународни претставници како коментатори, како луѓе кои што ќе бидат во самиот процес.
Тој одговарајќи на новинарско прашање по завршување на денешното рочиште за „Поткуп“ посочи дека детали во врска со овој предметот може да каже Министерството за правда .
Од 37 обвинети за тероризам и терористичка организација, 33 лица беа осудени за делата, а за четири лица е донесена ослободителна пресуда. За осуммина беше изречена казна од доживотен затвор.На 9 и на 10 мај 2015 година, во кумановското Диво Насеље вооружена група се судри со безбедносните сили.