Меѓународни воени вежби во кои се вклучени 13 илјади војници од 16 земји започнаа денеска во Естонија. Вежбите ќе траат до 14 мај и се најголемите во балтичката земја од воспоставувањето на нејзината независност од Советскиот сојуз во 1991 година.
Дел од вежбите ќе се одржат и во соседна Летонија. Во вежбите учествуваат војници од САД, Британија, Германија, Франција, Канада, Полска, Украина, Финска, Шведска, Данска, Белгија, Ирска, Летонија, Литванија и Грузија.