Авганистанските власти соопштија дека во нови напади на талибанците загинале најмалку 9 војници и полицајци. Според нив, во покраината Фарах биле убиени пет војници, а двајца повредени кога нивниот контролен пункт бил нападнат од талибанците. Во борбите на контролниот пункт кои траеле неколку часа загинале и 6 талибанци, а тројца биле повредени.
Талибанците преземаа одговорност и за нападот во покраината Газни каде загинаа четворица припадници на локалните полициски сили, а седум биле повредени.