Хан: Сега се на ред лидерите од Западниот Балкан

Европскиот комесар за проширување и соседска политика Јоханес Хан истакна дека Европската комисија со Стратегијата за проширување нацртала јасен пат кон посилна и поширока Унија.

„Со Стратегијата за проширување зацртавме јасен пат кон посилна и поширока Унија и во детали е наведено што одделни држави мора да направат. Сега на ред е лидерите од тие држави да ја преземат топката и да трчаат со неа,“ наведе Хан претставувајќи го Пакетот проширување пред пратеници од Надворешнополитичкиот одбор на ЕП.

Тој додаде дека остварениот напредок на државите од Западен Балкан покажува дека политиката на проширување на ЕУ дава резултати, но дека нема време да е задоволна со постигнатото, туку мора да се продолжи со работата. Еврокомесарот нагласи дека извештајот на ЕК јасно ги наведува клучните предизвици што државите од регионот мора да ги решат за да напредуваа.