Американскиот претседател Доналд Трамп на Твитер напиша дека нападот врз Сирија може да биде извршен набрзо или не толку брзо.
“Никогаш не кажав кога ќе се случи нападот врз Сирија. Може да биде наскоро или не толку наскоро“, напиша Трамп.
Во секој случај, тој потенцира, дека неговата администрација направила одлична работа со тоа што го ослободила регионот од милитантната група Исламска држава. „Каде е нашето- ви благодарам Америка“, додава Трамп на социјалната мрежа.