Шчербак – Ако влезете во НАТО, може да бидете руска мета

Вашиот пребарувач не подржува HTML5

Ако Македонија влезе во НАТО, тогаш при евентуална агресија врз Русија, Македонија ќе биде мета на рускиот одговор, рече рускиот амбасадор Олег Шчербак на прес-конференција во Скопје, додавајќи дека членството во НАТО може да има последици по регионалната безбедност и по билатералните односи меѓу двете земји. Тој рече дека Македонија не дала докази дека дипломатот што го протерува се занимавал со дејности кои се надвор од дипломатскиот статус. Во дипломатската пракса, протерувањето дипломат претставува многу непријателски и сериозен чекор, но ние нема да брзаме со одлуката за одговор, рече тој.