Имаме најголем годишен раст на платите од 2010 година, во јануари годинава просечната нето плата првпат надмина 24.025 денари и во споредба со јануари минатата година има раст од 1.275 денари, односно за 5,6 проценти, изјави на денешната прес-конференција министерот за финансии Драган Тевдовски. Посочи дека особено е важен растот на платите во текстилната и индустријата за производство на облека и кожа, и посочи дека има позитивни економски движења во земјава.
Од опозициската ВМРО-ДПМНЕ реагираа дека пораст на плати во Македонија нема, туку дека се работи за промена на методот на прибирање на податоци за плата. Од партијата реагираат дека секојдневно поскапува потрошувачката кошничка и дека наместо покачување на пензиите, сега се случува намалување на животниот стандард, односно реално осиромашување.